![](https://otbasy.com/wp-content/uploads/2023/06/72.jpg)
Подписаться
авторизуйтесь
0 комментариев
2016 жылдан бастап, Түркия елінде тұрақты түрде “Istanbul Publishing
fellowship” баспасөз, баспа мен баспагерлердің
серіктестік форумы және кездесу алаңы өтеді.
Биыл сегізінші рет өткен серіктестік алаңға 72 мемлекет қатысуға ниет
білідіріп оның 66-сы қатысты. Қазақстан мемлекеті тарапынан
“Отбасы хрестоматиясы” баспасы қатысып
қайтты. Форум
маусымның 6-8 аралығында
өтті.
“8th Istanbul Publishing fellowship” аталатын жыл сайынғы серіктестік алаң
мәдени ынтымақтастықты нығайту және баспа саласының дамуына үлес қосуға
арналады. Сонымен қатар “8th Istanbul Publishing fellowship” баспа саласындағы
ең үлкен әрі ең ауқымда бизнес форум.
Осы жылы Istanbul Publishing
Fellowship-те 66 елден 410 баспагер
қатысты. 2500-ден астам онлайн кездесулер мен B2B кездесулер өтті. 1000-ға жуық
тауарға құқықтар өзара сатылып және келісімшарттар жасалды.
Шараның негізгі ұйымдастырушыларының бірі, «Introtema Copyright and
Translation Agency» негізін қалаушысы Muhammed Ağırakça шара соңында өз жылы лебізін білдірді: «We
thank you very much for not leaving us alone on this journey that we have set
out 8 years ago to make Istanbul a copyright center in the world and we see
that it has become one! Thank you once again for being understanding of all the
shortcomings that may have occurred during the Istanbul Publishing Fellowship,
which we have organized under extraordinary conditions, especially after the
earthquakes in our country.
As Introtema Agency, organizer of the 8th IPF, we gave our best to make
this event as successful and as efficient as possible. We sincerely hope that
the coming year will be equally successful.»
Серіктестік алаңға «Отбасы хрестоматиясы» баспасының негізін қалаушы Санжар
Керімбай, баспа авторы Айбек Нәби және баспаның
атқарушы директоры Бағдат Құдияр қатысты.
Баспамыз Ыстанбұл сапарынан үлкен тәжірибе жинап, өзара серіктестік
келісімшарттарға отырып қайтты. Бірнеше елдің кітабын басуға ниеттеніп, әрі
авторлық құқығын сатып алды. «Отбасы хрестоматиясы» келер жылы да «Istanbul
Publishing fellowship»-қа қатысуға ниетті.
Отбасы хрестоматиясы ұжымы VII “KITAP FEST 2021” кітап фестиваліне қатысқаны және еліміздің кітап мәдениеті дамуына үлес қосқаны үшін марапатталды. Кітап фестивалге Алматы қаласының әкімі Бақытжан Сағынтаевта қатысты. Оқырман қауымға Отбасы хрестоматиясының кітаптары таныстырылып, кітап авторлары лекция оқыды.
Шілде айының 24-ші жұлдызында Түркістан қаласындағы заманауи үлгідегі “FARAB” әмбебап ғылыми кітапханасында «ҚИССА СҮЛ – ӘНБИЯ» кітабының тұсаукесері салтанатты түрде өтті. Кітапхана аумағында әдемі әуен шырқалып, шашу шашылып, домбырамен күй шертіліп, ән де орындалды. Оқырмандармен жүзбе-жүз кездесіп, пікір алмасу мақсатында Санжар Керімбай, Мұхит Төлеген, Бағдат Құдияр, Айбек Нәби, Сәкен Нұрқабекұлы сынды кітап авторлары қошеметпен, көрермендердің ыстық…
Атырау қаласында 7-11 шілде аралығында ҚИССА СҮЛ-ӘНБИЯ, БЕЙСЕН және БОЛМЫС кітаптарының тұсауы кесілді. Аталмыш шараға Санжар Керімбай, Мұхит Төлеген және Айбек Нәби іспетті кітап авторлары қатысты. Шара барысында осы кітаптар жөнінде лекция оқылып, оқырмандармен ашық сұхбат болды. Сондай-ақ Атырау қаласында Отбасы хрестоматиясы кітаптарының кітап-жәрмеңкесі болып өтті. Оқырмандар кітаптарды жеңілдікпен һәм кітап авторларының қолтаңбасымен алды.
Ұлттық бренд мәртебесіне ие болған «Қазақстанның үздік тауары» жәрмеңкесі жыл сайын өткізіліп келеді. Жыл сайынғы байқаудың басты мақсаты – жергілікті өндірушілерді қолдау. Оларды тауарлар мен қызметтердің сапасын арттыруға ынталандыру. Отандық брендтерді ілгерілету және елдегі өндірісті дамыту. Алматы қаласында 2022 жылдың 29-30-31 шілде аралығында отандық өндірушілердің көрме-байқауы өтті. Кәсіпорындар көрмеде өнімін ұсына отырып, көпшілікке танытуға мүмкіндік…
Астана қаласы, ҚР Ұлттық академиялық кітапханасында заңгер, ҚР Парламент мәжілісінің депутаты Абзал Құспанның «Алаш заңгерлері» кітабының тұсауы кесілді. Кітапта ХХ ғасырдың басындағы қазақ заңгерлері жайында мағлұмат берілген. Олардың қысқаша өмірбаяны, қоғамда атқарған істері мен елдегі заң саласының дамуына қосқан үлестері баяндалған. Жиында Абзал Құспан «Алаш заңгерлері» дегенде былайша түсінік береді: «Бұл Алашордаға, Алаш арыстарына ғана…