Астана қаласында “Бейсен және Болмыс” кітабының тұсаукесері өтті
Бүгін Астана қаласының көрнекті ғимараттарының бірі ҚР-ның Тұңғыш президенті – Елбасы кітапханасында «Отбасы хрестоматиясы» қоғамдық қорының кезекті шедевр туындысы – 2021 жылы жарық көрген «Бейсен және Болмыс» кітабының тұсаукесері болып өтті.
Отандық телевизия тарихында өзіндік орны, қолтаңбасы бар Бейсен Құранбектей қайталанбас тұлғаның көпшілік біле бермейтін қырларын, ғибрат алар үлгілі, өнегелі істерін автор өзгеше талдауымен оқырман көңіліне дөп жеткізе білген. Бұл кітапта автор кейіпкердің еркіндіктен бастау алатын адами құндылықтарын – жауапкершілік, ар-ұят, уәдеде тұру, қамқорлық таныту, мейір-махаббат, т.б. қасиеттерін алға тартып, оқырманын ойға қалдырады.
Екі жоқтық пен бір бардың арасында АДАМ боп қалу, болмыстың ашылуы сынды тақырыпты кейіпкердің өмір жолынан мысал келтіре отырып, кеңінен талдайды. Кітап жалпы өз-өзін тануға ұмтылған, тұлғалық дамуға бет бұрған барша оқырманға арналған.
Аяужан Рысқұлқызы
